My Blog List
-
വീണ്ടും തുറന്നു
-
*കഴിഞ്ഞ രണ്ടു വര്ഷം ആയി അടച്ചു പൂട്ടി കിടന്ന ഒരു ബ്ലോഗ്‌ ഇന്ന് വീണ്ടും
തുറന്നു പ്രവര്‍ത്തനം ആരംഭിച്ചിരിക്കുന്നു. ജാതി, മതം, വര്‍ഗം, ഗോത്രം,
രാഷ്ട്രീയം, ആ...
12 years ago
-
ഞാന്‍ എന്ത് തരം ഒരു പ്രതിഭാസം ആണ് എന്ന് ഒന്ന് ചിന്തിക്കണം എന്ന് എനിക്ക് തോന്നി. എന്നാല്‍ ചിന്തിച്ചു കളയാം......""ആരാണ് ഞാന്‍?"", "ഈ ചോദ്യം ഞാന്‍ സ്വൊയം ചോദിക്കാന്‍ തുടങ്ങിയിട്ട് നാളുകള്‍ ഒരുപാട് ആയി" എന്ന് ഇക്കാലത്ത് പലരും അഭിമാനത്തോടെ പറയുന്നതും അതോര്‍ത്തു അഹങ്കാരത്തോടെ ചിരിക്കുന്നതും ഒക്കെ ഞാന്‍ കാണാറുണ്ട്‌.ഞാനും എന്‍റെ അഭിമാനത്തിന്റെ അഹങ്കാരത്തില്‍ ഈ ചോദ്യത്തെ എന്‍റെ അറിവിന്റെ വളര്‍ച്ച കാണിക്കാനായി ഇടയ്ക്കിടെ പലരുടെയും മുന്‍പില്‍ പൊങ്ങച്ചമായി പറഞ്ഞിട്ടുണ്ട്. അതൊക്കെ ഞാന്‍ ഒരു ജ്ഞാനി ആണ് എന്ന് സ്വൊയം മനസ്സില്‍ കരുതി ചെയ്ത പൊങ്ങച്ച വിക്രിയകള്‍ മാത്രം എന്ന് തല നരച്ചു തുടങ്ങുന്ന ഈ കാലത്ത് എനിക്ക് ബോധ്യമായി തുടങ്ങുന്നു. ശരിക്കും ഇപ്പോഴാണ് ഞാന്‍ ആരെന്ന ചോദ്യത്തിന് സ്വൊയം ചോദിക്കാനുള്ള അവസരം വന്നു ചേര്‍ന്നിരിക്കുന്നത്!!! ഞാന്‍ എന്നാല്‍ കറങ്ങിക്കൊണ്ടിരിക്കുന്ന ഈ ഭൂമിയിലെ ഒരു ജീവനുള്ള വസ്തു മാത്രമാണ്. ഹ ഹ ഹ ഹ ഹ ഹ .... ചിരിച്ചുപോകും ഈ വാചകം കേള്‍ക്കുമ്പോള്‍- സ്വയമെങ്കിലും !!! കാരണം ജീവിത നിരാശ കേറിയ പലരും ഈ വാചകം നൂറ്റാണ്ടുകള്‍ക്കു മുന്പേ ഇതേ പടി പല തവണ പറഞ്ഞിട്ടുണ്ട്. മണ്ടനായ ഞാനും ഇതേ വാക്ക് തന്നെ ഇങ്ങനെ പറയുന്നതില്‍ എന്തുണ്ട് ന്യായം അല്ലെ? ഹ ഹ ഹ ഹ ഹ ഹ .... കാര്യം ഉണ്ട്!! ന്യായം ഉണ്ട്!! കാരണം എത്ര നൂറ്റാണ്ടുകള്‍ പിന്നിട്ടാലും,എത്ര തലമുറകള്‍ കഴിഞ്ഞാലും,എന്തെല്ലാം മാറ്റങ്ങളും പരിണാമങ്ങള്‍ ഉണ്ടായാലും ലോകത്തില്‍ 2 തരം മനുഷ്യരെ ഉള്ളൂ...1. മറ്റുള്ളവരെ മുതലെടുക്കുന്നവര്‍ 2 മറ്റുള്ളവരാല്‍ മുതലെടുക്കപ്പെടുന്നവര്‍.ഈ രണ്ടിനങ്ങളില്‍ പെടും എല്ലാ മനുഷ്യരും. രണ്ടാമത്തെ കൂട്ടത്തില്‍ പറഞ്ഞവര്‍ ആദ്യ ഇനത്തില്‍ പെട്ടവരിലും ഉണ്ട്. മുതലെടുക്കുന്നതിലെ കഴിവാണ് ജീവിക്കാന്‍ മനുഷ്യന് ആഗ്രഹം കൊടുക്കുന്നത്. മേല്‍പ്പറഞ്ഞ രണ്ടിനങ്ങളും പരസ്പര പൂരകങ്ങള്‍ ആണ്. സമയം, കാലം, ആവശ്യം, ആഗ്രഹം,സൌകര്യം ഇവയൊക്കെ ഒത്തു കിട്ടിയാല്‍ എല്ലാവരും ചെയ്യുന്നത് പരസ്പരം മുതല്‍ എടുപ്പ് തന്നെയാണ്!! മുതലെടുപ്പില്ലാതെ സ്നേഹിക്കുന്നവര്‍ ആരുണ്ട്‌? സ്നേഹം തന്നെ മുതലെടുക്കാനുള്ള ഒരു മീഡിയം ആണ്!! സ്നേഹം വിറ്റ് ചായ കുടിക്കുന്നവരുടെ ഒരു സമൂഹം അത്തരക്കാരായ വ്യെക്തികളെ കൊണ്ട് നിറഞ്ഞു കവിഞ്ഞ ഒരു ലോകം ആണിത്. ചുരുക്കം ചിലര്‍ ഇതിനൊക്കെ കഴിയാതെ സ്നേഹത്തിന്റെ ദൈവത്വം തിരിച്ചറിഞ്ഞു ജീവിക്കുന്നവര്‍ ഉണ്ട്. അക്കൂട്ടര്‍ മറ്റുള്ളവരുടെ ദൃഷ്ടിയില്‍ മണ്ടന്മാര്‍ ആയിരിക്കും. ഈ മണ്ടന്മാരില്‍ പലരും മുതലെടുക്കപ്പെടാന്‍ വേണ്ടി മാത്രം സൃഷ്ടിക്കപ്പെട്ട ജന്മങ്ങള്‍ ആണ്. അവര്‍ക്ക് ആ നിലയില്‍ നിന്നും ഒരു മോചനം എളുപ്പമല്ല. ഒരു നോട്ടത്തിനും ഒരു വാക്കിനും, ഒരു പ്രവര്‍ത്തിക്കും , ഒരു സഹായത്തിനും, ഒക്കെ വലിയ വില നല്‍കി അതിനൊക്കെ സ്നേഹം എന്ന് കരുതി മറ്റുള്ളവര്‍ക്ക് ചൂഷണം ചെയ്യാനും മറ്റുള്ളവര്‍ക്ക് മുതലെടുക്കുവാനും വേണ്ടി നിന്ന് കൊടുക്കേണ്ടി വരുന്ന ആ തരം അപൂര്‍വ മണ്ടന്മാരില്‍ അവശേഷിക്കുന്ന ഒരാളാണ് ഞാന്‍.!!!!! ഒരു തരം അറപ്പു തോന്നുന്ന നിഷ്ക്രിയത്വതിന്റെയും, നട്ടെല്ല് ഇല്ലായ്മയുടെയും , കഴിവുകേടിന്റെയും, വിവരമില്ലായ്മയുടെയും , ഒക്കെ ഒരു ആള്‍രൂപം !!!!! അതാണ്‌ ഞാന്‍ എന്‍റെ ജീവിതത്തെ പ്രതിഭാസം എന്ന് ഒരു ഉളുപ്പും ഇല്ലാതെ വിളിച്ചത്!!!
വിചാരിച്ചതുപോലെ ഒരു പരാജയം ആയി എന്‍റെ പ്രണയം. അത് പരാജയപെടണം എന്നത് ഒരു അനിവാര്യത ആയിരുന്നു. ദൈവം എന്ന് ഒന്ന് ഉണ്ടോ എന്ന് ചോതിക്കരുത്. ഉണ്ട്!! എവിടെ എന്ന് ചോതിക്കരുത്!! എവിടെയോ ഉണ്ട്!! സഹിക്കുന്നവര്‍ക്ക് കൂടുതല്‍ പീഡനം കൊടുക്കുക എന്നത് കാലാകാലം ആയി ദൈവത്തിന്റെ ഒരു കീഴ്വഴക്കം ആണ്. അതിനൊക്കെ ദൈവം ഓരോ ന്യായങ്ങള്‍ നേരത്തെ തന്നെ കണ്ടു വെച്ചിട്ടുണ്ട്. മനുഷ്യരായ നമ്മള്‍ ആ ന്യായങ്ങള്‍ അംഗീകരിച്ചു കൊടുത്താല്‍ മതി. അഥവാ അന്ഗീകരിചില്ലെങ്കിലും ദൈവത്തിനു ഒന്നുമില്ല. എന്‍റെ പ്രണയത്തിലും ഇതൊക്കെ തന്നെ ആണ് ദൈവത്തിന്റെ ന്യായം. ആരെയൊക്കെ പ്രണയിക്കാം? ആരെ പ്രണയിച്ചാല്‍ അത് പാപമാകും? പാപമാകാത്ത പ്രണയമുണ്ടോ? എന്‍റെ ദൃഷ്ടിയില്‍ എന്‍റെ പ്രണയം പാപം അല്ലായിരുന്നു. അവള്‍ ഒരു സുന്ദരി ആയിരുന്നില്ല. വിധവ ആയിരുന്നില്ല. എന്നാല്‍ അവള്‍ വിവാഹിത ആയിരുന്നു. ഭര്‍ത്താവ് ഉപേക്ഷിച്ചവള്‍. അവളെ ഭര്‍ത്താവു ഉപേക്ഷിച്ചത് ശരിയല്ല എന്ന ന്യായം അന്നും ഇന്നും എനിക്കുണ്ട്.!!! എന്നാല്‍ അവളെ അയ്യാള്‍ ഉപേക്ഷിച്ചത് നന്നായി എന്നും എനിക്ക് തോന്നിയിട്ടുണ്ട്!!കാരണം അയ്യാള്‍ ഉപേക്ഷിച്ചത് കൊണ്ടാണ് എനിക്കവളെ കിട്ടിയത്!!! എന്നാല്‍ ഇപ്പോള്‍ ഞാന്‍ പറയുന്നു അവളെ കെട്ടുകയോ സ്നേഹിക്കുകയോ ചെയ്യുന്നവന്‍ ആരായാലും ഒന്നുകില്‍ അവനു വട്ടു പിടിക്കും.അല്ലെങ്കില്‍ അവന്‍ ഹൃദയ സ്തംഭനം വന്നു മരിക്കും. അല്ലെങ്കില്‍ അവന്‍ ഒരു കൊലപാതകി ആകും അതുമല്ലെങ്കില്‍ അവനോ അവളോ ആത്മഹത്യ ചെയ്യേണ്ടി വരും!!! ജീവിതത്തില്‍ ഒരിക്കല്‍ പോലും ആരിലും നന്മ കണ്ടെത്താന്‍ അവള്‍ക്കു കഴിയില്ല. അതാണ്‌ അവളുടെ സ്വൊഭാവം!!! അതിനു ആരെ കുറ്റം പറയും നമ്മള്‍? അവളെയോ ദൈവത്തെയോ? അതോ നമ്മളെ തന്നെയോ? അതോ അവളെ ജനിപ്പിച്ചവരെയോ? മൂന്നു വര്‍ഷത്തിനുള്ളില്‍ പല തവണ ഞങ്ങള്‍ ഒന്നിച്ചു ശയിച്ചു. പല തവണ പല അമ്പലങ്ങളില്‍ ഞങ്ങള്‍ ഒന്നിച്ചു പോയി. പല പള്ളികളില്‍ ഞങ്ങള്‍ ഒന്നിച്ചു പ്രാര്‍ഥിച്ചു. തൊഴിലിനു വേണ്ടി പല ജോലികള്‍ പഠിച്ചു. ഒന്നിച്ചു പ്രാര്‍ഥിച്ചു. ഒന്നിച്ചു തിന്നു.ഒന്നിച്ചു കുടിച്ചു. അവള്‍ക്കു വേണ്ടി ഞാന്‍ എന്‍റെ സമ്പാദ്യം മാറ്റി വെച്ചു. അവളെ അവളുടെ ഇഷ്ടങ്ങള്‍ സാധിച്ചു കൊടുക്കാന്‍ ഞാന്‍ സമയം കണ്ടെത്തി. അവളുടെ കഷ്ടപാടുകള്‍ എന്‍റെ കഷ്ടപാടുകള്‍ ആയി ഞാന്‍ കണ്ടു. അവളുടെ കണ്ണീര്‍ ഞാന്‍ എന്‍റെ കണ്ണിലൂടെ ഞാന്‍ ഒഴുക്കി. അവളുടെ വിശപ്പ്‌ എന്‍റെ ഉദരത്തില്‍ ഞാന്‍ അനുഭവിച്ചു. അവളുടെ കാമം എന്‍റെ സിരകളില്‍ ഞാന്‍ വഹിച്ചു.അവളുടെ പ്രാര്‍ഥനകള്‍ എന്‍റെ ഹൃദയത്തിന്റെ വിങ്ങലുകള്‍ ആക്കി എന്‍റെ ദൈവത്തിനു മുന്‍പില്‍ ഞാന്‍ സമര്‍പിച്ചു. എന്‍റെ സഹോദരങ്ങള്‍ എന്നെ തടഞ്ഞു. എന്‍റെ മാതാവ് എനിക്ക് വേണ്ടി പ്രാര്‍ഥിച്ചു. എന്‍റെ അച്ഛന്‍ എന്നെ അവഗണിച്ചു. എന്‍റെ ജീവിതം ഞാന്‍ ഒരു കുരിശായി സങ്കല്പിച്ചു അതില്‍ ഞാന്‍ എന്നെത്തന്നെ വേദനകള്‍ ആകുന്ന ആണികളില്‍ തൂക്കി!! എന്നിട്ട് ഞാന്‍ പ്രലപിച്ചു - എന്‍റെ ദൈവമേ എന്‍റെ ദൈവമേ എന്തുകൊണ്ട് നീ എന്നെ ഉപേക്ഷിച്ചു? എന്‍റെ ഒരു പ്രാര്‍ത്ഥന പോലും എനിക്കായി ഞാന്‍ ചെയ്തില്ല. എനിക്കെല്ലാം അവള്‍ ആയിരുന്നു. ഒടുവില്‍ അവള്‍ അവളുടെ അഹങ്കാരം കാട്ടി. സൊന്തം ജീവിതം മറ്റുള്ളവരുടെ ജീവിതത്തെക്കാള്‍ വലുതും വിലയും ഉള്ളതാണ് എന്ന് അവള്‍ ഇപ്പോള്‍ ധരിച്ചു വെച്ചു പോയിരിക്കുന്നു. തന്റെ മേന്മ ദൈവം നേരിട്ട് തന്നതാണ് എന്നും മനസ്സും ശരീരവും ദൈവത്തിനു സമര്പിച്ചതിനാല്‍ എന്‍റെ കൂടെ നടക്കുന്നതും കിടക്കുന്നതും ഒക്കെ പാപമാണ് എന്നാണു അവളുടെ ന്യായം. ശരിയല്ലേ? ആണ്. അല്ല എന്ന് പറയാന്‍ വിശ്വാസികള്‍ക്ക് ന്യായങ്ങള്‍ ഇല്ല. ബൈബിളും വേദങ്ങളും ഒക്കെ എന്‍റെ വികാരങ്ങളെയും വിചാരങ്ങളെയും വിശ്വാസങ്ങളെയും തെറ്റ് എന്ന ഒറ്റ വാക്കുകൊണ്ട് വെട്ടി മുറിച്ചു അവരുടെ സത്യാ ദൈവ വിശ്വാസങ്ങളെ ന്യായീകരിക്കുന്നു. അവര്‍ക്ക് ( ലോകത്തെ എല്ലാ ക്രിസ്ത്യാനികള്‍ക്കും ഈ കാര്യത്തില്‍ ഒരേ അഭിപ്രായമാനത്രേ!! ഹ ഹ ഹ ഹ ഹ . ദൈവത്തിനു സ്തുതി!! അവര്‍ ഇക്കാര്യത്തില്‍ എങ്കിലും ഒന്നിച്ചു നിന്നല്ലോ!!! ദൈവത്തിനു മഹത്വം!!
ഓ..... ഇതിനിടയില്‍ ഒരു കാര്യം പറയാന്‍ മറന്നു. ഞാന്‍ ഈ പറയുന്നത് ഒക്കെ കേട്ട് അവള്‍ ഒരു ക്രിസ്ത്യാനി ആണ് എന്ന് കരുതരുത്!! അവള്‍ ഒരു ഹിന്ദു ആണ്!!!
ഞാന്‍ ആണ് അവളെ ബൈബിള്‍ വാക്യങ്ങള്‍ പറഞ്ഞു കൊടുത്തു പഠിപ്പിച്ചത് !!! എന്‍റെ പ്രാര്‍ത്ഥന കണ്ടാണ്‌ അവള്‍ കര്‍ത്താവിനോട് നന്നായി കാര്യമായി പ്രാര്‍ഥിച്ചു തുടങ്ങിയത്. മുന്പും അവള്‍ക്കു കര്‍ത്താവിനോട് പ്രാര്‍ഥിക്കാന്‍ അറിയാമായിരുന്നു എന്നും ഓര്‍ക്കുക. അവള്‍ പഠിച്ചത് ഒരു കോണ്‍വെന്റ് സ്കൂളില്‍ ആയിരുന്നു.അതുകൊണ്ട് കര്താവിലുള്ള വിശ്വാസം എന്‍റെ വക ആണ് എന്ന് പറയാന്‍ പറ്റില്ല. എന്നിരുന്നാലും മാമാനം അമ്പലത്തിലെ ബലിക്കല്ലില്‍ ശത്രു സംഹാര പൂജക്കായി ഒരുപാട് മന്ത്രങ്ങള്‍ രക്ത വര്‍ണം ചാലിച്ചിട്ടുണ്ട്!!! അത് വിശ്വാസം ചക്ക പുഴുക്ക് പോലെ കൂട്ടി കുഴച്ചതിന്റെ ബാക്കി പത്രം!!! എന്നിരുന്നാലും അവള്‍ ദൈവത്തിനു എല്ലാം സമര്പിച്ചതോടെ ആ ദൈവം സൃഷ്ടിച്ച എന്‍റെ ജീവിതം ദാ ഇതുപോലെ ????? ( ചോദ്യ ചിഹ്നം ആയി!) ഹഹ ഹഹഹഹ . അവള്‍ക്ക് ഓരോ മാനസിക ബുദ്ധിമുട്ട് വരുമ്പോളും അപ്പോള്‍ വഴിയെ പോകുന്ന ആരോടും ഒന്നിനും ഉത്തരവാദിത്വം ഇല്ലാത്ത ആരെങ്കിലും പറയുന്ന ഉപദേശങ്ങള്‍ വളരെ മഹത്വം ഉള്ളാതായി തോന്നി അതില്‍ കടിച്ചു പിടിച്ചു നില്‍ക്കുന്ന ഒരു സൊഭാവം ഉണ്ട്. ജീവിതത്തില്‍ അവള്‍ മാത്രം ആണ് കഷ്ടപെടുന്നത് അതുകൊണ്ട് അവള്‍ക്കു എല്ലാ കാര്യങ്ങളും നന്നായി അറിയാം എന്ന് ഒരു ധാരണയും ഉണ്ട്! തനിക്കു വലിയ അന്തസ്സ് ഉണ്ടെന്നും ബാക്കി ഉള്ളവര്‍ എല്ലാം അന്തസ്സ് ഇല്ലാത്തവര്‍ ആണെന്നും ഒരു കാഴ്ചപ്പാടും അവള്‍ക്കുണ്ട്!! ശത്രുക്കളോടു എല്ലാം അവള്‍ക്കു തീരാത്ത പകയാണ്. അത് തീര്‍ക്കാന്‍ അവള്‍ക്കറിയില്ല. പക്ഷെ അവള്‍ അവളുടെ ഓരോ തോന്നലുകള്‍ക്കും അനുസരിച്ച് പെരുമാറി പെരുമാറി അവളെ സ്നേഹിച്ചു അവളുടെ കൂടെ നടന്നു അവളെ താങ്ങി സംരക്ഷിച്ച എല്ലാവര്ക്കും ഒരു ഭാരം ആയി മാറുകയാണ്. അവളുടെ കാഴ്ച്ചപാടാകട്ടെ കൂടെ നില്‍ക്കുന്നവര്‍ ഈ ത്യാഗം എല്ലാം അനുഭവിക്കാന്‍ ദൈവ നിശ്ചയ പ്രകാരം വിധിക്കപെട്ടവര്‍ ആണ്. അതിനാല്‍ തന്നെ അവള്‍ക്കു അവരോടു എന്തും ചെയ്യാം, പറയാം. ഹഹ അഹഹഹ
ഇനി പറയൂ ഈ ജീവിതത്തിലെ ഈ പ്രണയം ഞാന്‍ തുടരണോ വേണ്ടയോ? ക്ഷമിക്കാന്‍ കഴിയുന്നവന്‍ പുരുഷന്‍ എന്ന് ഗാന്ധിജി പറഞ്ഞത് അവളുടെ ഭര്‍ത്താവിനും കുടുംബത്തിലെ ആണുങ്ങള്‍ക്കും ബാധകമല്ലെങ്കിലും എനിക്ക് ബാധകം ആണോ? എല്ലാം കര്‍ത്താവിന്റെ കൃപ. എന്‍റെ ചേച്ചി,എന്‍റെ ചേട്ടന്‍, എന്‍റെ പിതാവ്, എന്‍റെ അഭ്യുദയ കാംക്ഷികള്‍ എല്ലാം പ്രാര്‍ത്ഥിച്ചത്‌ അവളില്‍ നിന്നും ഞാന്‍ രക്ഷപെട്ടു നല്ല ഒരു പെണ്ണ് കെട്ടി ജീവിക്കണം എന്നാണു. ദൈവം അവരുടെ പ്രാര്‍ത്ഥന പകുതി സാധിച്ചു കൊടുത്തിരിക്കുന്നു.എന്നെകാള്‍ അഴകും ആകാരവും പണവും കഴിവും ഒക്കെ ഉള്ള ഒരുത്തനെ കെട്ടണമെന്ന് അവളും കൊതിക്കുന്നുണ്ടാവും. അതുകൊണ്ട് അവളുടെ പ്രാര്‍ത്ഥന അതിനു വേണ്ടി ആയിരിക്കും. കര്‍ത്താവായ ദൈവം അവരുടെ ഒക്കെ പ്രാര്‍ത്ഥന കേട്ട് അനുഗ്രഹിക്കുമ്പോള്‍ കര്‍ത്താവിനു ഒഴിവാക്കാന്‍ പറ്റുന്ന ഒരേ ഒരാള്‍ ഞാന്‍ മാത്രം ആണല്ലോ!!! എനിക്ക് എന്ത് പറ്റിയാലും കര്‍ത്താവിനു ഒന്നുമില്ല. ജനത്തിന് മുഴുവന്‍ വേണ്ടി ഒരുവന്‍ മാത്രം മരിക്കുന്നത് ഉചിതം ആണ് എന്ന് പ്രധാന പുരോഹിതന്‍ കര്‍ത്താവിനെ കുരിശില്‍ മരിക്കാന്‍ഉള്ള ന്യായമായി വിധിച്ചതുപോലെ, എല്ലാവരുടെയും പ്രാര്‍ത്ഥന കേട്ട് അനുഗ്രഹം നല്‍കാന്‍ അവന്‍ എന്‍റെ പ്രാര്‍ത്ഥനകളെ അവഗണിക്കുകയും എന്നെ തഴയുകയും ചെയ്യുകയല്ലേ? ആവോ ..............വിധിക്കാന്‍ ഞാനില്ല.കാരണം കേവല മര്‍ത്ത്യനായ ഞാന്‍ അപരിമേയന്‍ ആയ അവിടുത്തെ കുറ്റം പറയാന്‍ പാടില്ലല്ലോ!!! അതിനാല്‍ അനിവാര്യമായ എന്‍റെ ദുരന്തത്തിന് വേണ്ടി ഞാന്‍ എന്‍റെ ഒതുങ്ങിയ മൂലകളിലേക്ക് പിന്‍വാങ്ങട്ടെ... ആരും എന്നെ ഈ നിരാശയില്‍ നിന്നും ഉയര്‍ത്തി ഒരു മഹാന്‍ ആക്കാന്‍ ഇറങ്ങി പുറപെടരുതെ... എന്നെ മനശാസ്ത്രപരമായി മനനം ചെയ്തു ഈ ലോകത്തിന്റെ ശാസ്ത്രങ്ങള്‍ പഠിപ്പിക്കാന്‍ ഇറങ്ങിക്കളയരുത്... കാരണം ഞാന്‍ ഒഴികെ ബാക്കി എല്ലാവരും അസാമാന്യ കഴിവും വിവരവും ഒക്കെ ഉള്ള അസാധാരണ സൃഷ്ടികള്‍ ആണ്... ഞാനോ പാവം ക്രിമിയാം മനുഷ്യന് !!!
( ഒരു പഴയ മനുഷ്യന് പറഞ്ഞ പഴയ ഒരു പ്രണയ നൈരാശ്യത്തിന്റെ പുതിയ ഒരു ജീവിത കഥ.)
